23 سؤال جرئ جدا يا ريت نجاوب كلنا عليها

اولا ميرسي ليك يا امجد ع الموضوع الجميل ده
وميرسي لنا على رايها
بس يابنتى ده انا تلات اربع البلد عارفانى ابقى انطوائيه ازاااااااااااااى
هوه انا باحب انى اكون لوحدى ساعات بس مش لحد الانطواء

اما ساندى ف ميرسي ع رايك الجميل
وانا كان قصدى انك تبطلي هبل اه لانك يا حبيبتى مش بتقولى انتى ماشيه بتكبي كل حاجه عندك
وده بيرجع عليكى بمشاكل دايما واظن انك عارفه كده كويس
ومش كل اللى بيبقى عنده سر بيبقى عنده حاجه غلط في حياته

اما ساسو حبيبه قلبي ف ميرسي جدا ع الورده

ابدا بقى اجابه الاسئله

1 - ياورد مين علمك تجرح ,,, تهدى العبارة دى لمين ؟؟

دى لكل اللى كنت باحسبهم اصحاب واحباب وللاسف جرحونى

2 - اعتذار الرجل للمرأه ذل أم احترام للذات ؟؟
احترام للذات لما يكون غلطان طبعا
اما لو كان من غير اى لازمه يبقى طبعا ذل

3 - هل بحياتك قصة حب الان ؟؟
لااااااااااااااااااااااااااا

4 - هل ترى ان الحب الاول ناجح ام فاشل ؟؟
ساعات بيبقى ناجح وساعات بيبقى فاشل
بس الاغلب انه فاشل لانه بيبقى في مرحله المراهقه

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

العائله الحب الصديق المستقبل المال

6 - غمض عينك دقيقه وتخيل قبلها انك صاحب الموقع ايه هو اول قرار هتاخده ؟

هاحاول انى اطوره اكتر
واركز عالاقسام اللى نايمه شويه

7- ايه رايك فى الغيره ؟
مطلوبه لكن مش بزياده عن حدها

8- تقول ايه للى ظلمك ؟؟
حسبي الله ونعم الوكيل قادر ينصفنى

9- سر لاول مره تقوله لنا هنا ؟؟
انا ماعنديش اسرار
بس لو اعتبرتوا ان انا حاسه انى مش لوحدى في الدنيا برغم كل الناس اللى حواليا سر يبقى ادينى قولته

10- وجه نقد لكاتب الموضوع ؟؟
ايه الاسئله الغريبه بتاعتك دى يا امجد
بس اقولك برضه
مافيش انتقادات انا شايفه ان كاتب الموضوع شخصيه محترمه وكويسه ربنا يوفقه في حياته يارب

11- كتاب حياتك عبر عنه في كلمات معدوده ؟؟
السعاده في الاول ايام الطفوله
بعد كده الحزن ايام وفاه والدتى ولا يزال موجود
الشعور بالوحده والغربه

12- شخص تفتقده ,, من هو ؟؟
والدتى رحمها الله

13- قرار اتخذته وتسرعت به و بعدين ندمت عليه؟؟
دخلت الزفته اللى انا فيها دلوقتى

14- لا اسمع لا ارى لا اتكلم ,, متى تطبق هذه المقوله بحياتك ؟؟
انا لايمكن اعرف اطبقها
ده انا ماعرفش اسكت ابدااااااااا
عالطول تلاقينى قايله رايه في البنى ادم اللى قدامى في وووووشه

15- قم بتوجيه نصائح الى خمس اعضاء قم باختيارهم انت ؟؟
امجد خلى بالك من نهال عشان بتحبك
نهال خلى بالك برضه من امجد عشان بيحبك وربنا يوفقكم يارب
مهند مع انى ماعرفكش بس من ردودك ممكن تسمحلى انى اقدملك نفس نصيحه امجد انك تخلى للاحساس جزء في حياتك
اسلام انا شايفه انك حزين جدا وتقريبا لفراق واحده كنت بتحبها صدقنى اللى يسيبك سيبه ماتزعلش عليه
وهوه الخسران مش انت
ساسو ياريت تخلى بالك من نفسك ومن مذاكرتك ومستقبلك وربنا يوفقك يارب

16- ماهو اكثر شي يحرجك ؟؟
ان حد يمدح فيا قدامى

17- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
اللى هاعمله انى دايما اكون ملازمه لوالدتى الله يرحمها واحاول اتعلم منها كل حاجه
وانى كنت اشوفها يوم ما اتوفت بس ساعتها للاسف ماقدرتش
اللى مش هاعمله انى كنت ازعلها في يوم ده لو كنت زعلتها

18- ملحوظه لاحظتها على عضو من الاعضاء ماهي ؟؟ ومن هو العضو ؟؟
no_love
انه دايما حزين ومجروح
بس والله دى مش نهايه العالم وهتعدى ان شاء الله

19- شيء حدث بحياتك غير مجرى حياتك ؟؟
برضه وفاه والدتى

20- كلمة تتمنى سماعها كل يوم ؟؟
دعا والدى ليا كل يوم الصبح او في صلاته للفجر

21- هل جنس كاتب الموضوع له تأثير عليك لتضع ردا ؟؟
لا

22- في يدك ثلاث وردات .. هتديهم لمين ..؟؟
ساندى نهال توتا الشعنونه

23- سؤال للبنات " ماذا يعجبك في الرجل ؟؟ " سؤال للشباب " ماذا يعجبك في المرأة ؟؟ "
انه يكون محترم
ومتفهم للامور ويكون فاهمنى انا شخصيا
ومتدين يعنى اخلاقه كويسه

وميرسي جدا عالموضوع الجميل ده

اولا يا سندرا شكرا على مرورك اللى نورنى
ثانيا شكرا على رايك فيا دا و يا رب مش يكون مجامله
ثالثا عجبتنى اجاباتك اوى على الموضوع و الاسئله مش غريبه و لا حاجه يعنى
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟

لا والله يا امجد انا مش باعرف اجامل ابدا
وده يمكن فيه ناس كتير شايفاه فيا عيب
انى باقول دايما حقيقه البنى ادم اللى قدامى
وانت فعلا شخصيه كويسه
وبعدين حكايه الاسئله الغريبه دى ياعم هزار مش اكتر
وبجد الموضوع جميل جدا
تسلم ليه

على فكرة انك مبتعرفيش تجاملى دى ميزة مش عيب خالص
بالعكس دنا بعتبر المجامله نفاق
و شكرا على رايك اللى اسعدنى بجد و مرورك اللى زاد الموضوع نور
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟

العفو يا امجد

والعفو ليكى يا ساسو وربنا يوفق الجميع
_________________
كل يوم احزان وجرح ودمع سايل من عينيا كل يوم شجرة حبايب عمري بتنقص شوية

لا مليش احضان تهون قسوة الايام عليا لا مليش غير ماضي بان وبكرة ضايع من ايديا

دى صعبـــــــــــــــــــــــــــــــــــــــة الحياة اوووووووووووووووووووووووووووى

تم انسحابي من المنتدى بشكل نهائي وبشكركم علي اللحظات الجميلة اللي قضيتها معاكم

ميرسى اوى ليكى ياsnderوشكرا على نصحتك ليا
وعلى فكرة انا مش حزين الان
لانى بجد حاسس انى وست اجمل واحن اصحاب وحبايب فى الوجود
وشكرا مرة اخرى لكم جميعا على الى قدملى نصيحة
_________________

ربنا يخليك يا اسلام و احمد ربنا على كل حال و خلى بالك من نفسك و من مذاكرتك و نورتلى الموضوع يا حبيب قلبى
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟

[center][b]- ياورد مين علمك تجرح ,,, تهدى العبارة دى لمين ؟؟
بهديها لانسان عزيز عليا اوي واتفرقنا وكان هو السبب
عشان هو اختار يروح كليه في بلد تانيه
بس اما اشوفه تاني هطلع عينه

2 - اعتذار الرجل للمرأه ذل أم احترام للذات ؟؟
مش في كل الاحيان ساعات بيبقا احترام وساعات بيبقا ذل
علي حسب الموقف او مين السبب في سبب الاعتذار

3 - هل بحياتك قصة حب الان ؟؟
تقريباااااااا

4 - هل ترى ان الحب الاول ناجح ام فاشل ؟؟
بالنسبالي فااااشل جداااااااااااااااااااا

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
العائله - الصديق - الحب -
المستقبل المهني - المال

6 - غمض عينك دقيقه وتخيل قبلها انك صاحب الموقع ايه هو اول قرار هتاخده ؟
اول قرار هاخده هزود الاهتمام في القسم الديني
لان تلت تربع الي في المنتدي مش بيدخله

7- ايه رايك فى الغيره ؟
مش بحبها ابدا لما بتكون بمعني الحقد علي الغير
لكن لما بتكون غيره حبيب لحبيبته بتبقا جميله
بس بحدود

8- تقول ايه للى ظلمك ؟؟
ربنا يسمحك

9- سر لاول مره تقوله لنا هنا ؟؟
اني اسمي هبه علي مااظن محدش
يعرف اسمي غير 2
واني بحب ؟؟؟؟؟؟؟؟ اووووووووووووووووووووي

10- وجه نقد لكاتب الموضوع ؟؟
؟؟؟؟؟؟؟؟؟؟؟؟؟؟؟
تؤتؤتؤتؤتؤتؤتؤتؤتؤتؤتؤتؤ

11- كتاب حياتك عبر عنه في كلمات معدوده ؟؟
ماتوقعت بيوم يجرح الزمن
واكون انا الضحيه مع سنيني...

12- شخص تفتقده ,, من هو ؟؟
الاهبل العبيط الي سبني
وراح كليه تجاره جامعه اسيوط

13- قرار اتخذته وتسرعت به و بعدين ندمت عليه؟؟
اني صدقت انسان وهو ميستهلش
وامنته علي حبك واسرار تخصك وهو خان الامانه
بجد ندمانه جدااااااااااااا اني عرفته

14- لا اسمع لا ارى لا اتكلم ,, متى تطبق هذه المقوله بحياتك ؟؟
لما بكون مديقه وزعلانه من حاجه

15- قم بتوجيه نصائح الى خمس اعضاء قم باختيارهم انت ؟؟
اولا سندرا:حاولي تنسي ومتفكريش في الي يديقك او يزعلك
انتي بجد انسانه رقيقه وجميله اوي وانا بحبك اوووووووووي

ثانيا ساندي:اقولك خدي بالك من نفسك وعلي مزكرتك
وان شاء الله تكوني من افضل الناس

ثالثا طه : احب اقولك حاول انك تحب الدنيا لانها بسيطه
وسهل انك تعيشهاا وخلي بالك من مزكرتك
وربنا يوفقك يارب وتكون الافضل

رابعا نانا وامجد : احب اقولكم ربنا يخليكم لبعض ويوفقكم
وحافظوا علي حبكم ويارب مش تتفرقوا عن بعض ابدا
قولو اااااااااااااامين ياااااااااااااااارب

خامسا ساسو : احب اقولك خلي بالك من مزكرتك كويس جدا
عشان تجيبي مجموع كويس وتدخلي الي تحبيه وتكوني متفوقه ديما

واحب اقول لكل الي في المنتدي ربنا يوفقكم في حياتكم
وتكونو الافضل ديماااااااااااا

16- ماهو اكثر شي يحرجك ؟؟
لو حد علق علي كلمه قولتها فيها حرف السن او الشين واتريق عليها
اصلي كلام في سركم لدغه في السين وساعات الشين مش بعرف انطقها

17- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
الي هفعله مره اخره
تؤتؤتؤتؤتؤتؤتؤتؤتؤتؤؤتؤتؤتؤ سوري مش هقول عليه
لكن الي مش هعمله اني عرفت انسان وندمت اني عرفته
فمكنتش هعرفه ابداااااااااااااا

18- ملحوظه لاحظتها على عضو من الاعضاء ماهي ؟؟ ومن هو العضو ؟؟
العضو هو: ساندرا
حسه انها مجروحه من حد اوي ومش بتحب الحياه وبتحب العزله عن الناس
بس بردو الحق يتقال من اكتر البنات الي بحبها هناااا

19- شيء حدث بحياتك غير مجرى حياتك ؟؟
تؤتؤتؤتؤتؤتؤتؤتؤتؤتؤتؤتؤتؤتؤ
سر ومش هقوله عشان بلاش اسيح لنفسي بنفسي

20- كلمة تتمنى سماعها كل يوم ؟؟
بحبك وحشتيني

21- هل جنس كاتب الموضوع له تأثير عليك لتضع ردا ؟؟
تؤتؤتؤتؤتؤتؤتؤتؤتؤتؤتؤتؤ
الموضوع الي بياثر وليس الجنس

22- في يدك ثلاث وردات .. هتديهم لمين ..؟؟
الاولي : ههديها لاغلي ماليا
التانيه : ههديها لاسرتي
التالته : ههديها لكل اعضاء المنتدي بنات وشباب

23- سؤال للبنات " ماذا يعجبك في الرجل ؟؟ " سؤال للشباب " ماذا يعجبك في المرأة ؟؟ "
يعجبني في الرجل
التدين والاحترام وتكون شخصيته قويه
وانه يكون واثق في نفسه وعارف هو عاوز ايه بالظبط
يكون عقله كبير ومتفاهم ويقدر الناس
ويكون بيموووووووووووووت في الشيكولاه

وسوري ان كنت طولت عليكم بكلامي
وميرسي ليك كتير علي الموضوع بجد
جاااااااااااااااااااااامد جدا بهنيك عليه

اليكم كل الاحترام والتقدير
توتا الشعنونه

شكرا على مرورك الكريم يااااااا هبه و انتى مطولتيش الاسئله بس اللى كتير نورتينى بجد
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟

بجد ميرسي ليكى يا توتا على رأيك الجميل فيا وبجد اسعدنى جدااا
وانا كمان ربنا اللى يعلم بحبك قد ايه
وبالنسبه لحكايه انى مجروحه دى يا توتا
والله اللى جرحنى هوه اللى حصلي وقولته
وانى حاسه بجد انى في زمن غير زمنى
من كتر مالناس بقيت وحشه ومابقاش فيه خير في حد
وده طبعا بيخلنى احب ابقى لوحدى عشان ابقى بدماغى
بس ده من جوايا
لكن من بره كل اللى يشوفونى ممكن يقول مافيش اسعد منها
باهزر واضحك واجتماعيه جداااا
بس ده عشان مش باحب حد يشيل معايا همومى او زى ما تقولى
باحب احتفظ بالهموم دى لنفسي لانى اتعودت على كده
وميرسي ليكى بجد يا توتا
ومعلش لو كنت طولت عليكى
واسفه يا امجد ع المداخله في الرد

مفيش شكر بينا ياجميل
انا فعلا قلت الي حسه بيه
وانتي بجد انسانه جميله جدااااا
ودي حقيقه مش مجامله ابداااا
وربنا يخليكي ويوفقك يارب في حياتك
وميرسي ليك ياامجد ولكلامك وزوقك
بس بلاش منها حكايه هبه دي
مشيها توتااا احلهااااااااااا

i want forget heba for ever

تحيااااااااااتي

_________________
سالونى من انا....؟؟؟
قلت انا الذى لا اعرف من انا....؟؟؟
فانا كالطير احب ان اسافر فى كل مكان
احب ان اكون فى قلب كل انسان....
لا احب الندم مع انى كثير الاحزان
احب الغرور الذى يجعلنى واثق البيان....
احب الحب الذى يملا القلب بالايمان
احب الله مع اننى له كثير النسيان .....
اكره الحب الذى يفقد القلب معنى الامان
اتمنى ان اعثر على حبيبى حتى لا انتهى بدون عنوان......

مع تحياتي...::..
توتــاا الشعنونه...

sndra
نصيحة لكى لا تحاولى انت تكتمى الحزن فى قلبك
لانه هيسبب بعد كدة اشياء لا تستطيعى ان تتحملها
ونصيحتى ليكى بليز لا تحاولى ان تكتمى حزنك حاولى انت ان
تكتسبى صديق او صديقة تاتمنيه على سرك
وتخليه يشاركك فى فرحك وحزنك
وانا بقول كدة ليه
لانى كنت زيك كدة فى الاول
ولكن اليوم لا استطيع ان اكتم الحزن فى قلبى
بس بجد اتمنى لكى السعادة على طول
وسارسل لكى الاشعار لحنا
هادئا ينساب سحرا
فى صدق كلماتى
لا تجزعى
لا تجزعى ان كانت الايام
قد عصفت بكى
فغدا سيعود لكى اللقاء لتسعدى
فلا تجزعى

_________________

ميرسي يا اسلام على كلامك الجميل ونصيحتك الاجمل
بس المشكله في الانسان اللى هاكتسبه كصديق
المشكله ان اللى باحبهم هما اللى مش باحب اشركهم في احزانى
عشان باحبهم وكل واحد في اللى مكفيه
انا اتعودت انى اخد منهم مشاكلهم واحاول اديهم حلول
واسمعلهم في كل الاحوال مبسوطين او زعلانين
لكن ما اتعودش انى احكى لحد
لان عمر ما حكيت لحد وادانى حل
فاوفر على نفسي وماقولش
وانا اتكيفت على كده خلاص

حاولى لو مرة
وهترتاحى صدقبنى
وعلى العموم انت حرة
مش هغصب عليكى
واتمنى ان تكونى سعيدة

_________________

اولا يا توتا انا لما كتبتلك يا هبه كنت بهزر معاكى بس يا جميل
ثانيا يا سندرا مقطعتيش و لا حاجه بس احب اقولك حاجه فى الصداقه انك بتبقى انتى و صديقتك او صديقك حاجه واحدة بمعنى ان كل حاجه فيكم بتتقسم على اتنين سواء فى الحزن او فى الفرح معنى كدا انك مش هتشيليه هم لا بالعكس هو او هى هتفرح لما هتلاقيكى بتحكيلها و صدقينى هتقف جنبك لحد ما تعدى محنتك دى و مفيش حد بيفضل زعلان على طول و نصيحه ليكى الحياة لا تقف مع احد او عند احد و لو دامت لغيرك ما الت اليك مش باقولك متزعليش لا لانك لو مزعلتيش متبقيش انسانه طبيعيه لكن متكتميش زعلك عشان ميأثرش عليكى سلبيا و لازم تدورى على انسانه او انسان يكون محل ثقه و تشاركيه فى احزانك و احزانه معلش طولت عليكى
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟