اشهر جمل يقولها الاهالى

سجّل في : 31 ديسمبر 1969

انا هكتب لكلام الي الاهالي بتقوله في اليوم 50 مره

ممكن يكون في واحد مبيسمعش الكلام ده في البيت عنده بس اكيد بيسمع جمل تانيه كل يوم مبتتغيرش

والي عنده جمل بيسمعها مش موجوده يقولنا عليها

انت فاكرنا لاقيين الفلوس دي في الشارع

والله ما انت فالح .. وادي دقني أهه

ما تلزقش في التلفزيون كده .. نظرك هيضيع

سلم على عمك كويس يا ولد

يا ابني محدش هينفعك

ربنا يرزقك بعيل يوريك اللي ورتهوني

ما تطلعش على الملايه النظيفه و رجليك متوسخه كده

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني

ايه الا مبالاه و الاستهتار اللي انت عايش فيهم دول

قوم اقرا لك كلمتين ينفعوك

وطي المدعوق ده شويه

انت فاكرنا نايمين على ودانا ؟

ما تلبسش القميص على اللحم زي العيال الصايعه

بلاش أكل بره

كلمنا لما توصل

عيـــب ... لازم تحترم اللي أكبر منك

لو شفت خناقه ما لكش دعوة بيها

لازم تأكل سلطه

اوعى حد غريب يديلك حاجه تاكلها و تشربها و تاخدها من

وانت فاكر احنا مستنيين منك حاجه

المسلسل مش هينفعك ...قوم

كفايه رغي في التليفونات

ربنا يهديك ربنا يهديك ... وأحيانا .. انك لا تهدي من أحببت

صليت العصر ؟

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال جنبك

ما تتأخرش بعد المدرسه و تقعد تصيع مع أصحابك

افرد ظهرك

[color=red]واخيرا

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا [/color]