الله يخرب بيت الامتحانات يا شيييييييخ

تخيل كده لو انت عندك امتحان بكره
وعندك ماده زفت وهباب وانت ماشاء الله
مذاااااااااكر واكل الكتب اكل (انت حتقولى مانا عارفك)
تيجى الست الوالده او الوالد مفرقتش يعنى
ويقولك
اصحى يابنى عندك امتحان عشان متتأخرش
ماشى حصحى ثوانى اخطف حلم سريع واصحى
حخطف ايه وهباب ايه قوم يلا عندك امتحان
تقوم انت متنرفز وقايل فى سرك
يييييييييي يادى اليوم الاسود ارحمنى ياعم بئه عايز انام
مهو اليوم بيبان من اوله

وبعد ماتقوم بطلوع الروح وبالضرب بالجزم والشباشب
وتلبس هدومك ونازل والدنيا مسقعه لما السما تكون بتنجانى
وانت حراااااان وايدك متلجه (متقوليش ازاى)
وانت بقى داخل اللجنه
ومش مذاكر وقااعد جمبك واد تعبان خالص مالص
والمراقب راجل غتت
وفجأه دخل المراقب
ويقول
اللى حسمعه بيتكلم مع اللى جنبه ولابيفكر يتكلم مع اللى حنبه
ولابيحاول يبص على اللى جنبه
حطرده هو واللى جنبه وحيبقى ذنبه على اللى جنبه
تقوم انت قايل للى قاعد جنبك
ايه ياعم المستر ده تعبان ده ولا ايه روح اديله حبايه فيجاسكين عشان يهدى
فكك ياعم منه ده شكله بيحب فوازير رمضان ولا ايه

وفجأه وقف معاك سؤال وعايز تغش (اه ياغشاش)
والمستر افشك
وراح قالك
يابنى يابنى انا خلقى ضيق وممكن اضربك
عليا الطلاق بالتلاته الغيلك الامتحان
تقوم انت قايل للواد اللى جنبك بعد ماالمستر يمشى من قدامك
ايه ياعم المستر ده
لو خلقه ضيق يفصل واحد مقاسه
اه والله عندك حق انا مره كان خلقى ركبتله استك ههههههههههه
لا وبيقولك عليا الطلاق ياعم روح نام ولا اقعد فى حته ناشفه
تلاقي مراته مطلعه عين امه ونفخاه وحيطلع غله فينا

وفجأه كده وانت قاااعد بتحل فالامتحان
والوله اللى وراك مخنووووووق من اللى جنبه وعمالين يتعاركو
وفجأه الواد اللى وراك قال
لاصنع اليبان ولاصنع الصين ده صنع بلدنا وبجنيه ونص
ومبيترئعش
وااام ضرب الواد اللى جنبه حتته افه
طااااااااااااااااااااااااااااااااااااااخ

المستر سمع صوت الافه
جرى علي الواد ااام الواد مدبسها فيك
والمستر لغالك الامتحان
وتروح البيت وانت مش حالل حاجه وساقط ومتبهدل
مامتك تقولك
عملت ايه يابنى؟
تمام ياماما ده انا حطلع الاول عالمدرسه
ده كل العيال بتعيط فاللجنه وانا اللى قاعد عمال ااااضحك ااااضحك
لابجد شاطر ياحبيبى طالعلى

تقوم قايل فى سرك
احلى حاجه فالست دى انها بتصدق بسرعه
الست دى امى غلبانه طول عمرها

وتفضل انت بقى مقضى اليوم مكالمات فى التليفون
والفاتوره كل شهر تيجى عاليه وابوك يطلع عين امك
شتيمه وقله قيمه

ويجى الوقت اللى طلعت فيه النتيجه
وهوباااااا النتيجه مليانه كحك
ومش اى كحك
ده بالملبن والعجوه وكل اللى تحبه يامعلم
ويجى ابوك يفئعك الم
زوووووووووووووووووووووووووووووووووو

بقى يابن الـ............ تضحك عليا وتقولى مقفل الدرجات
وحياه امك الغاليه لقتلك
ليه كده بس يابابا ده انا بحبك حب محبوش انسان
(ماشى ياعم تامر حسنى)

وااادى اخره الامتحانات ياعم
شتيمه وبهدله ونذاكر ويطلع عينا
وفالاخر مش عاجب
هههههههههههههههه
بعد كده نشق هدومنا (لا يافضحتى ههههههههههههه)

ههههههههههههههههههه
جامده اوى ميرسى ليكى

فعلا دى اخرة الامتحانات مبيجيلناش من وراها غير كل وجع دماغ
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟