رسالة من الرئيس الي شعب مصر

رساله من ارئيس الى شعب مصر

( اللهم انا لا نسالك رد القضاء ولكن نسالك اللطف فيه )

يا شعبي حبيبي يا روحي يا بيبي يا حاطك في جيبي يابن الحلال
يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال
يا شعبي اللي نايم وسارح و هايم وفي الفقر عايم وحاله ده حال
احبك محشش مفرفش مطنش و دايخ مدروخ وأخر أنسطال
احبك مكبر دماغك مخدر ممشي أمورك كده باتكال
و أحب اللي ينصب و أحب اللي يكدب و أحب اللي ينهب ويسرق تلال
و أحب اللي شايف وعارف و خايف وبالع لسانه وكاتم ما قال
و أحب اللي قافل عيونه المغفل و أحب البهايم و أحب البغال
و أحب اللي راضي و أحب اللي فاضي و أحب اللي عايز يربي العيال
و أحب اللي يائس و أحب اللي بائس و أحب اللي محبط و شايف محال
واحبك تسافر وتبعد تهاجر وتبعت فلوسك دولار أو ريال
واحبك تطبل تهلل تهبل عشان ماتش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
و عايز تنور و عايز تطور و تعمللي روحك مفرد رجال
ساعتها حجيبك لا يمكن أسيبك وراح تبقى عبره وتصبح مثال
حبهدل جنابك و أذل اللي جابك و حيكون عذابك ده فوق الاحتمال
و أمرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال

_________________

أتقبل رأى الناقد والحاسد .. الاول يصحح مسارى والثاني يزيد من إصرارى ..

مشربتش من نيلها .. جرب كده كولديرها حسيت انك عاوز تقتل اللى سارقينها وناهبينها ممشتش فى حواريها .. وافران العيش فيها اه يانا من حكومتنا وعمايلها وبلاوييييييها جرب كده مره واكتب شكوى وخدها وروح القسم هتلاقى نفسك فى الحجز لأ وبتهمة عدم الفهم ادى حكومتنا وادى عمايلها .. ولاثورة بتيجى فيوم وتشيلها ونرتاح م اللى خاربينهااا ومشربتش من نيلها .؟
_________________

أتقبل رأى الناقد والحاسد .. الاول يصحح مسارى والثاني يزيد من إصرارى ..

شكلك ناويه نودينا فى دهيا
انتى بتحبى الريس كده يا سلام
بس هو موضوع جامد اوووووووى
وتسلم ايديكى

_________________

ههههههههه انا مش قلتلك انتى هتبقى من اهم المواضيع اللى فى المنتدى بجد موضوعك جميل اوى ما شاء الله عليكى بجد انتى انسانة رائعة وشكرا واتمنالك المزيد من المواضيع تحياتى ..
_________________

احب من تحبين لاننى احبك حينما تحبينى اجد الكون كالضوء الابيض فى ظلمة الليل يضىء لى الكون بجماله

شكراااااااااااااااااا
علي المرور الكريم
طبعااا بحب الريس
هوفي حد في مصر مش بيحبه
_________________

أتقبل رأى الناقد والحاسد .. الاول يصحح مسارى والثاني يزيد من إصرارى ..

انا طبعا
بحبه

_________________

اكييييييد حقبل اي حاجه تجي من ريحه الريس انا بحبها و يا جماعه المنتدي مش عايزينه يتقفل براحه شويه

ايه ياعم صلي علي النبي
ايوة بقي قوم عليا المدير
داا حتي غلبانه
وبحب الريس
انت اللي شكلك مش بتحبه
_________________

أتقبل رأى الناقد والحاسد .. الاول يصحح مسارى والثاني يزيد من إصرارى ..

انا ايه انتي شكلك كده هتموتيني ناقص عمر دا و دا طبعا اخر رد ليا في المنتدي لاني مش هكووون موجود احتمال يعني ازوور السجن دا لو هما بيحبوني بس في الاغلب مش هلحق هممموت

راحــــــــت حبيبتى منى..... راحـــــــت مش راجعه تانى
ابكي ضعف منى...... دموعي جرح تانى

عادى يا محلاوى دا حتى الريس حبيبنا راعى الاقتصاد المصرى هو اللى خلا البيضه بنص جنيه و السمك بتمن العدس وحاجات كتير منا كدا
هو اللى مجوعنا هو
هو اللى مقلعنا هو
هو هو هو
_________________
عايز ايه ؟؟؟
ما كفايه قلبى ضحكت عليه
حبك و كنت بتلعب بيه
ازاى أصدق تانى و ليه ؟؟؟