[center][b]صاروخ ارض جو موجهه

حاجه من بتوع التفزليون :
او كما قال الاخ المبجل كوكو موزه:: بس موزه رهيبه واضح انى ححب المدرسه دى::ربنا يخليكى يا ام ترتر:
ويلكم بحضرتكم معاكم ميرنا لطفى

لطفىىىىىىىىىىىى ::................ الطف بينا يا رب لحسن الواحد مش ناقص صواريخ

المدام:: و هى لا موخذا بتزغودنى في جنبى:: ( لما شعرت ان الكلى رجعت بقيت وراء سلسله الظهر بعد الكبد بشارعين ) ::: يا ويلكم بيكى يا اختى نعم في حاجه


ميرنا : انا يا فندم اللى حشرف على جوله حضرتكم في المدرسه :

سامح ( الله اكبر:: اشرفى يا اختى اشرفى:: يا سلام انا عايز اتفصح و اتمحص في كل جزء:: ................. في المدرسه طبعا بلاش النيه السيئه دى يا ساتر:: )


المدام : و نبى ايه انتى اللى حتشرفى على الجوله : ثم تنظر ليه:: )


سامح ( طيب و انا مالى رزق و اتبعت الواحد يقول لا ::يلا بقى مش عايزه مدرسه لسى كوكو ربنا يخليك يا كوكو:يا ابنى ) ( طبعا مش محتاجه اقول ان كل اللى بين قوسين بيبقى في دماغ سامح )


ميرنا : طبعا احب ادي لحضرتكم نبذه مختصره عن المدرسه

سامح ( ومختصره ليه بسسسسسسسسسسسس خدى راحتك على الاخر )


المدام وكانها تقرا افكارى : طيب ممكن احنا ندخل نتفرج بنفسنا و بعد كدا نيجى ناخد النبذه


سامح و هو يمثل عدم الاهتمام : طيب و ليه اكيد هى حتفرجنا احسن بكثيررررررررررر ( هو فى فرجه كدا )


كوكو ابن ال ............... حاجه غير الاولى : طبعا طبعا يا عم بابا عيش يا عم


الام : ولد عيب كدا ................ هو قاصده على الجوله اللى في المدره يعنى


ميرنا : طبعا يا فندم .................. اذ يو سيى المدرسه تم بنائها حديثا باحدث التكنولوجى اللى وصلتلها الدوله المتقدمه و باحدث التصميم العالميه


سامح ( فعلا ناس مصممه على الاخر .............. قولى يا اختى قولى )


الام و هى حطق : يا ريت نشوف المدرسه الاول بعد اذنك

سامح : مش ناخد خلفيه الاول بس


الام : انا قولت خلاص شكرا يا فندم الف شكر


ميرنا : يا فندم لازم يبقى معاكم جايد في التور اللى حتاخدوها في المدرسه ده برتوكول


الام : لا برتوكول و لا خلافوا قولت خلاص مش عايزين حدا

ميرنا : يا فن

الام : بقولك ايه بقى

بدا الصوت يعلى و الامور تخرج عن السيطره فوجدنا رجل محترم يهرول علينا

الراجل : في ايه يا ميرنا

ميرنا : مش عارفه و الله يا مستر

المستر للمدام : في ايه يا فندم

المدام او الام يعنى واحد : مافيش مش عايزين حد معانا في الجوله و لا في الطور ده

سامح ( طووووووووووووووووور ما هو ده اخرك طووووووووووووووووووووور يا بنت صلتح بابا )


المستر : يا فندم ده برتوكول عندنا بس لو تحبيه انا ممكن اغيرلك ميرنا بحد تانى


المدام و هى تنظر ليه في انتصار : ياريت


سامح ( حسبى الله و نعم الوكيل ربنا ينكد عليكى زى ما نكدى على الواحد قادر يا كريم )


كوكو : معلش يا بابا خيلها في غيلها


ينسحب المستر هو ميرنا


سامح ( مع السلامه يا ميرنا مع السلامه يا ميرناااااااااااااااااااااااا )


المدام : عينك عينك يا استاذ يا محترم يا اللى جاى تدخل ابنك المدرسه حاسيب لحسن حينطوا من مكانهم


سامح في براءه : ينطوا ايه و عنيك ايه بس انا عارف


المدام : لا و نبىىىىىىىىىىىىىىى مش عرفاك انا بقى ده انت كان فاضلك ثانيه و تروح تاخدها بالحضن

سامح ( ياررررررررررررررررررررررريت ) : بقولك ايه حضن ايه و ايه الكلام اللى بتقولى ادام الولد ده


كوكو : لا يا عم ما تتحججش بيه استلقى وعدك


سامح : ولد مبسوطه كدا سامع الولد بيقول ايه


كوكو : خلاص يا مامى مش تزعلى لما تلجع ابله ميرنا حبقى اخدها انا بالحضن

الام : طبعا ما انت لازم تطلع زى ابوك هو انت حتجيبوا من بره


سامح : يا يتى هو انا عملت حاجه بقولك ايه انتى مش مشتيها ( منك لله ) خلاص و استريحتى

الام : لا كنت حسبهالك لمل تعمل الطوووووووووووووور واخد بالك انت هااااااااااا

سامح : بلا طور بلا بقره ( طور مايجيش واحد يخبط الل في بالى ) اهى مشيت و خلاص ( رااااااااااااااااااااح رااااااااااااااااااااااااااااااااااح خد البى و رااااااااااااااااااااااااااااااح خدن نور ايامى خد من احلامى كل الافراح ورااااااااااااااااااااااااح راااااااااااااااااااااااح رااااااااااااااااااااااااح )


الام : صعبانه عليك اوى معلش ما تزعلش اروح اعتذرلها و لا حاجه


سامح : يا ستى انتى بتتلكيكى بقولك ايه احنا لسه في اولها و دينى اروووووووح


كوكو ::: الحقى يا مامى:: انتى مشيتى ميرنا الحقى بعتلك بايونك ومن تعمل الجوله )

ذاهلين ننظر الى الاخت القادمه :
لاكتشف انه هو يوم رائع رائع فالاخت الجايه مش صاروخ ::دى قنبله نوويه متقدمه تستطيع عمل مليون تسونامى مش تسونامى واحد :: صرح يتقدم داخل هذا الصرح الذى نقف فيه .................... و غير كل هذا فهى من محبى قنوات الاغانى بالتاكيد فما ترتديه لا يمكن اعتباره لبس باى حال من الاحوال تحسبها من بعيد لا ترتدى شيئا و لكنها عندما تقترب تكتشف وجود ملابس على استحياء ( ده التفحيص و التمحيص حيبقى لركب في المدرسه شوفتوا بردوا النيه الوحشه قاصد المدرسه ) بركاتك يا ست بووووووووووووووووووووووووكس )


تتقدم مننا في ثقه بالغه ويلكم معاكم نهى احمد حكون معاكم في الجوله

كوكو قد احول : فعلا الواد ساعات بحس انه نسخه منى ولا يمكن كل الرجاله عنيه زايغه و لا ايه ) : ربنا يخليكى ليه يا مامى دى ميلنا دى كانت وحشه فعلا وحشه عن حق

سامح وقد التمعت عيناه و اتسعت على اخرها حتى لتظن انه سيدخل الاخت نهى داخل عينيه : حضرتك اللى حتبقى معانا يا خبر ابيض حضرتك يا فندم يا ويلكم يا ميه مليون و يلكم

نهى بستغراب شديد هى المدام مالها


ننظر للمدام تقريبا كانت ابتدات تدخل في غيبوبه و يصيح الاخ كوكو مامى مامى مامىىىىىىىىىىىىىىىىىىىىى


وللحديث بقيه

والله انتي عامله زي مسلسلات رمضااااان
لما تخلص الحلقه علي واحد انضرب بالرصاص
وندور احنااا بقي مين اللي ضربه
يااااخربيت خيالك


ننتظر المزيد في اسرع سرعة