طريقه الاكل عندما تخرجين مع خطيبك :::: موضوع مهم جدا

أختي العزيزة لو ربنا فك عقدتك وانخطبتي
فإليك نصائحي حتى تأخذي بخطيبك من مركب الخطوبة إلي محدش عارف حترسى على إيه
إلى مثوااااه الأخير في قفص النسانيس
قصدي قفص الزوجية السعيد.............

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط .

2-العيش
أوعي تفضحينا وتقطعيه بسنانك ولا الرغيف نصين بأيدك وكل نص لقمة واتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدا
وبعدين لما تروَّحي إبقي سفي زي ما انتِ عايزه

3- الشوربة
بند الشوربة مهم جدا
من شان الله الشوربة تنشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقيها على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..كيف؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة..
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. اتطلعي عليه بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
أنا فى عرضك إنسي المصمصة في هذا الوقت

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا...
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9-الفاكهة
لو الفاكهة فيها بذر.. طلعيه من تمك بالراحة وحطيه فى إيدك وهي مسكره
وبعدين حطيه في طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي أكلتيها.. وتقولي له مش ممكن
أنا عمري ما اتفجعت كدة
أنا أودامي أسبوع ل ابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
سندويس الفلافل ومنقوشة الزعتر
وبالهنا والشفـــاء

_________________

انا عارف انك عاوز تسبنى...سبنى...

بـــس !!!.. قبل ما تمشى خلينى ابكى فى حضنك شوية....

!I`m Sorry I Never Meant To Hurt You

يالا النبي عربي هههههههههههههههه
ما هي لازم تعمل فيها بنت حسن شاه
بس تعالي بقي لما يتجوزو هيبقي عربي ومن دشنا كمان
وكل شئ انكشفن وبااااااااان
يا رب استر علينا يا رب

ميدو

يا عم اصلهم عارفين نفسهم اكتر مننا يا عم هو انا مربي بجره عندي في البيت دي بتقولك اوعي تكلي نص الرغيف في قطمه ليه يعني ياعم انا لو مربي ديناصور كان هياكل بذووق عن كده
هههههههههههههههههههههه

هو حاجة مهمة بردة حوار الذوق فى الاكل دة
وبتفرق كتير مع البنت
بس بردة ميدو عنده حق حوار ان كل دة مبيدومش كتير
يعنى بيبقى مصطنع بيتمثل لفترة يعنى مش دى الحقيقة هههههههههههههههههههههه
_________________
أصعب حاجة فى الدنيا لما تحب حد وتتعلق بيه وفجأة تتحرم منه وتلاقى نفسك فجأة مش من حقك حتى تسلم علية اما تشوفه

يا ريت ارجع للى انا حبيتها
ازاى عرفتك بعدها
معاكى بس عرفت قيمتها
ولا يسو ى حبك ضلها

SaMe7 5aL!Fa

المهم انه صح يا نانا
ويا عيني الشباب القمامير المقططين الغلابة الي زينا
بيتخدعو في الاول وبيدخلو علي عماهم
ما يعرفوش انها بتبقي بس حلاوة روح وبتروح لحالها بعد ما تقع الفاس في الراس
ويروح يا عيني الشاب اللي زي الفل في شربة مية
يا خسارة والله كان واد كويس الله يرحمه
والله كان طيب

ههههههههههههههههههههههههههههههههههه
ايوة الله يرحمه يا ميدو كان واد جامد بس عمل حادثة دخل فى بق واحد ههههههههههههههه
_________________
أصعب حاجة فى الدنيا لما تحب حد وتتعلق بيه وفجأة تتحرم منه وتلاقى نفسك فجأة مش من حقك حتى تسلم علية اما تشوفه

يا ريت ارجع للى انا حبيتها
ازاى عرفتك بعدها
معاكى بس عرفت قيمتها
ولا يسو ى حبك ضلها

SaMe7 5aL!Fa

كده انتى فضحتى اسراركم الحربية زى ما ميدو صبرة عمل
بس كده تمام لما تعمل كده هبقى احرجها
_________________
I never wished for u to end ur life at all,
I want to erase what happen to u,
And bring ur soul right back to me
"I love you"
♥Born To L

VE♥

ههههههههههههه والله يا عماد

البنت والولد بيقعدوا يرسموا على بعض

وهما الاتينين بييقوا شكلهم وحش اوى لان كل واحد فيهم عارف انه بيرسم على التانى واللى يضحك اكتر ان الاتنين عارفين برضه
_________________

انا عارف انك عاوز تسبنى...سبنى...

بـــس !!!.. قبل ما تمشى خلينى ابكى فى حضنك شوية....

!I`m Sorry I Never Meant To Hurt You