عايز تعرف مين هو فرعون موسى (صور)

بسم الله الرحمن الرحيم
اختلفت الاراء بحسب الدراسات الاثرية ومحدش قدر يحدد بالظبط مين هو فرعون موسى اللي ذكر في القرأن
بس انحصرت الافتراضات حول 3 فراعنة:
1- سيتي الاول
2- رمسيس التاني (ابن سيتي الاول)
3- مرنبتاح (ابن رمسيس التاني)
ودول 3 ملوك حكموا ورا بعض في الاسرة ال19 من 1294 ل1203 ق.م ودي الفترة اللي تقريبا كان فيها سيدنا موسى في مصر

1- سيتي الاول

يحتمل انه هو فرعون موسى لأنه خاض حروب كتير ضد القبايل اللي كانت موجودة في مصر في عهده وبرغم كده الجثة بتاعته مفهاش اي تشوهات خالص وملامحة تكاد تكون واضحة واصحاب الرأي ده بيقولو ان وضوح ملامحه يعتبر معجزة عشان كدة هو الفرعون بس ده اضعف الاراء

2- مرنبتاح

الملك ده هو الوحيد اللي ذكرت على اثاره اسم اسرائيل (ysryar) على لوحة بني اسرائيل ودي موجوده في المتحف المصري

3- رمسيس التناي

ده بقى اقوى الاراء لان جثة رمسيس التاني فيها كمية كبيرة من الاملاح وكمان حنجرته مكسورة والتحاليل اثبتت ان الجثة كانت غرقانة وكان لرمسيس زوجة ثانوية اسمها ايزيس (تنطق ايست بالمصرية القديمة) يحتمل انها هي أسية امرأة فرعون التي ذكرت في السيرة والله اعلم بس في دليل بيضعف الرأي ده وهو ان رمسيس كان عنده 52 ولد و32 بنت والمعروف ان فرعون مكنش بيخلف
بس المتفق عليه ان محدش يعرف مين هو فرعون بالتحديد

سجّل في : 31 ديسمبر 1969

موضوع حلو يا شوشو